26.06c
Երեվան
շբթ, հնս 27
Սոցիալ Դեմոկրատ Հնչակեան կուսակցութիւնը պիտի մասնակցի յառաջիկային տեղի ունենալիք Հայաստանի Ազգային Ժողովի ընտրութիւններուն: Այս մասին «Արարատ Թի. Վի.»ին յայտնած է կուսակցութեան Հայաստանի մարմնի ատենապետ Նարեկ Գալստեան: Գալստեան նաեւ ըսած է, որ ներկայիս տակաւին պարզ չէ, թէ ինչ ձեւաչափի տակ պիտի ըլլայ կուսակցութեան մասնակցութիւնը 2017-ի ընտրութիւններուն, բայց եւ այնպէս կուսակցութիւնը բոլոր մակարդականերու վրայ կը պատրաստուի այդ կարեւոր օրակարգին: Գալստեան նաեւ անդրադարձած է Հայաստանի քաղաքական կեանքին մէջ ընթացող փոփոխութիւններուն, նկատել տալով, որ «Գոսմէթիք փոփոխութիւնները դժուար թէ բարելաւեն Հայաստանի քաղաքացիին կեանքը»: Ան նոյնպէս նկատել տուած է, թէ այս հանգրուանին Հայաստանի համար կարեւոր է իրականացնել համակարգային փոփոխութիւններ: Ըստ Գալստեանի իրենց համար ներկայ հանգրուանին ամէնէն առաջնային օրակարգերէն մէկն է կուսակցութեան մարզային կառոյցներուն աշխուժացումը:
