17.09c
Երեվան
երք, մյս 05
Ռուսիա եւ Միացեալ Նահանգներ մեծապէս պիտի օգտուին լիբանանանեան ջուրերուն մէջ եղող կազի պաշարներէն: Այս մասին տեղեկութիւնը կը փոխանցէ Al.Jadeed կայանը: Աղբիւրը, որ շատ քիչ մանրամասնութիւններ կը փոխանցէ եղած գործարքներուն մասին, նաեւ կը հաւաստէ, որ վերջերս այդ խնդրին շուրջ յայտնի դարձած Աուն-Պըրրի համաձայնութիւնները կապ ունին «դուրսէն» եղած ճնշումներու հետ: Աղբիւրը «Ալ Ախպար» օրաթերթէն առնելով իր տեղեկութիւնները, կը հաղորդէ նաեւ, որ Լիբանանի Ելեւմուտքի նախարար Ալի Հասան Խալիլ վերջերս կը գտնուէր Մոսկուա, եւ ան ռուսներուն հետ կարեւոր համաձայնութիւններ գոյացուցած է կապուած լիբանանեան ջուրերուն մէջ գտնուող կազի մեծ պաշարներուն: Կը հաղորդուի նաեւ, որ այս «սառած» համարուած թղթածրարին տեղէն շարժելուն մէջ մեծ դեր ունի ամերիկեան կողմը, որուն ելեւմտական մէկէ աւելի պատասխանատուներ հերթաբար Պէյրութ այցելած էին: Ամերիկեան նաւթային ընկերութիւններու համաձայն Պէյրութի ջուրերուն մէջ եղած կազի պաշարները մեծ գումարներ կրնան ապահովել, եթէ նաւթահանման ընկերութիւններ սկսին այդ կազմը արտահանել: Լիբանանի մէջ տնտեսական ցանկացած մեծ գործարք պայմանաւորուած է ներ- քաղաքական համաձայնութեամբ եւ անցնող օրերուն այդ է, որ տեղի կ'ունենայ Պէյրութի մէջ:
