Հալէպի հայկական «Նոր Գիւղ» թաղամասը երէկ դարձեալ թիրախ դարձած է ծանր հրթիռարձակումներու: Այս մասին տեղեկութիւն ստացանք «Արեւելք»ի Հալէպի աղբիւրէն: Մեր աղբիւրը նաեւ նշեց, որ հրթիռարձակումներուն հետեւանքով ծանր վնասներու ենթարկուած է հայկական թաղամասը: Արձանագրուած են տասնեակ զոհեր եւ վիրաւորներ, սակայն հայ զոհերու կամ վիրաւորներու մասին մինչեւ այս պահը տեղեկութիւն չի փոխանցուիր: Նշենք, որ լուրի մեր տեղադրած լուսանկարներէն մէկուն մէջ մէջ կ'երեւի Հալէպի Ազգային Սահակեան վարժարանի փոխադրակառքը, որ ամբողջութեամբ վնասուելէ ետք դարձած է անգործածելի:

