7.09c
Երեվան
երկ, հկտ 05
Իսրայէլ- («Հաարէց»- Թէլ Աւիւ)- Իսրայէլեան հաղորդագրութիւն մը հաստատած է, որ Ազրպէյճան-Հայաստան պատերազմը սկսելէն երկու օր ետք, մեծ բեռնատար օդանաւ մը վայրէջք կատարած է Իսրայէլի «Օվտա» ռազմական օդակայանը, եւ այս դէպքը անցնող շաբաթներուն քանի մը անգամ կրկնուած էր: Իսրայէլեան «Հաարէց» թերթի համաձայն, «օդանաւը վայրէջք կատարած էր քանի մը ժամուան համար, ապա վերադարձած էր»: «Հաարէց» նաեւ օտար աղբիւրներու հաղորդմամբ նշած է, որ իսրայէլեան արտահանումներու չափը Ազրպէյճանի համար չորս տարիներու ընթացքին կը գնահաուի 5 միլիար տոլարով:
Աղբիւրը նաեւ կը նշէ, որ Ազրպէյճանը կը նկատուի Իսրայէլին նաւթ մատակարարով խոշորագոյն երկիրներէն մէկը, ինչպէս նաեւ Իսրայէլ իր հերթին կը նկատուի Ազրպէյճանին զէնքով մատակարարող գլխաւոր աղբիւրը:
