13.09c
Երեվան
ուրբ, մյս 15
2013 թուականէն ի վեր Հալէպի մերձ եղող շրջաններուն մէջ «Տահէշ»ի կողմէ առեւանգուած երկու քրիստոնեայ կրօնաւորները կրնան սպաննուած ըլլալ: Այս մասին երէկ կարծիք յայտնած է Լիբանանի ընդհանուր ապահովութեան նախկին տնօրէն զօր. Ժամիլ Ալ Սայէտ: Սայէտ, որ խօսած է լիբանանեան բանակի գերեվարուած ու ապա սպաննուած զինուորներուն մասին, նոյնէս դիտել տուած է, որ այսքան երկար ժամանակէ ի վեր առեւանգուած սրբազաններուն մասին ոչ մէկ տեղեկութիւն կայ ու շատ հաւանական է, որ անոնք եւս ունենան բանակի զինուորներու տխուր ճակատագիրը:
Յիշեցնենք, որ Հալէպի երկու եպիսկոպոսները կը կոչուին Եուհաննա Իպրահիմ եւ Պուլոս Եազըճի: Եոհաննա Իպրահիմ եպիսկոպոս Հալէպի ասորի ուղղափառ համայնքի առաջնորդն էր, իսկ Պուլոս Եազըճի եպիսկոպոս յոյն ուղղափառ համայնքի Հալէպի առաջնորդ:
