15.09c
Երեվան
երք, մյս 05
Հալէպի տարբեր շրջաններ այսօր յետմիջօրէի ժամերէն սկսեալ դարձած են թիրախ` ահաբեկչական խմբաւորումներու հրթիռարձակումներուն: Այս մասին «Արեւելք» տեղեկութիւն ստացաւ Հալէպի իր աղբիւրէն: Մեր աղբիւրը նաեւ հաղորդեց, որ ծանր հրթիռարձակման ենթարկուած է մասնաւորապէս Հալէպի «Մոկամպո» եւ «Ալ Ֆըրքան» թաղամասերը, ուր զոհերուն թիւը հասած է 20-ի: Կը հաղորդուի նաեւ, որ հրթիռարձակումներուն հետեւանքով վիրաւորեալներուն թիւը հասած է 150-ի: Հալէպ քաղաքի գլխաւոր հիւանդանոցները հանրութեան կոչ ուղղած են, խնդրելով բոլոր տեսակի արեան պաշարներ: Մեր աղբիւրը նաեւ հաղորդեց, որ Հալէպի հայկական «Նոր Գիւղ» եւ «Ազիզիյէ» թաղամասերը եւս աւելի վաղ հրթիռարձակումներու ենթարկուած են ու ցարդ տեղեկութիւններ չկան այդ շրջաններուն մէջ եղած մարդկային տոյժերու մասին:
