15.09c
Երեվան
ուրբ, մյս 15
Ահաբեկչական խմբաւորումներ այսօր հրթիռներ նետած են Հալէպի իրաւաբանական համալսարանի շէնքին վրայ:
Այս մասին տեղեկութիւն տուած են Հալէպի լուրեր տարածող դիմատետրի տարբեր էջեր:
Ըստ փոխանցուած տեղեկութիւններուն հրթիռարձակումներուն հետեւանքով մարդկային զոհեր չկան, սակայն՝ համալսարանն ու անոր շուրջ կառոյցներն ու փոխադրամիջոցները կրած են նիւթական մեղ վնասներ:
Յիշեցնենք որ անցնող երկու շաբաթներուն ընթացքին Հալէպի գիւղական հատուածներուն մէջ տեղակայուած ահաբեկչական խմբաւորումներ հերթական դարձուցած են քաղաքի կեդրոնական հատուածը ռմբակոծելու իրենց արարքները:
«Արեւելք»ի տեղեկութիւններով հակառակ եղած հրթիռարձակումներուն քաղաքը կը գտնուի բնականոն հունի մը մէջ:
