22.09c
Երեվան
կրկ, հկտ 11
Թուրքիոյ խորհրդարանի փոխնախագահ, քրտամէտ «Ժողովուրդներու դեմոկրատական կուսակցութեան» (HDP) Պոլսէն ընտրուած պատգամաւոր Փերուին Պուլտանը ձերբակալուած է: Այս մասին կը գրէ «Haberler.com» լրատուական կայքը, նշելով, թէ ձերբակալութեան մասին առաջինը յայտնած է Պուլտանը՝ հասարակական ցանցի վրայ կատարած «ձերբակալուեցանք» արձանագրութեամբ:
Քրտամէտ կուսակցութեան կեդրոնական գրասենեակը եւս տարածած է յայտարարութիւն` յայտնելով Պուլտանի ձերբակալութեան մասին: Կը նշուի, որ քրտական ծագում ունեցող փոխ խօսնակը ձերբակալուած է Պոլսոյ իր տան մէջ:
Յիշեցնէք, որ 4 նոյեմբերին ձերբակալուած քրտամէտ կուսակցութեան անդամ 12 պատգամաւորներէն 9-ին, ներառեալ` կուսակցութեան համանախագահներ Սելահըտտին Տէմիրթաշի եւ Ֆիկէն Իւքսեքտաղի վերաբերեալ 9 նոյեմբերին կայացուած էր կալանաւորման որոշում: 11 նոյեմբերին ալ կալանաւորուած էր Հաքքարիէն ընտրուած պատգամաւոր Նիհաթ Աքտողանը:
