19.09c
Երեվան
շբթ, սպտ 12
Լիբանանյան գրեթե բոլոր կայքերն այսօր անդրադարձել են հայ տաղանդավոր արվեստագետ Պերճ Ֆազլյանի մահվանը: Ռեժիսորը, դերասանն ու թատրոնի և կինոյի գործիչը երեկ՝ փետրվարի 15-ին իր մահկանացուն է կնքել Լիբանանում, ուր ապրում էր 1951 թվականից: Լիբանանի քաղաքացիական պատերազմի տարիներին Կանադա տեղափոխվելով և այնտեղ ու նաև՝ ԱՄՆ-ում նույնպես թատերական գործունեություն ծավալելով, կրկին վերադարձել է Լիբանան:
Պերճ Ֆազլյանը ծնվել է 1926 թվականին՝ Պոլսում: Դպրոցական և մասնագիտական կրթությունը ստացել է Թուրքիայում: 1965-1967 թվականներին կատարելագործվել է Փարիզում:
1959 թվականին Ֆազլյանը հիմնել է «Փափազյան» թատերախումբը (ղեկավարել է մինչև 1971 թ.), 1971 թ.-ին՝ «Ազատ բեմ» հեղինակային թատերախումբը: Մամուլը նշում է, որ Պերճ Ֆազլյանի անվան հետ է կապվում լիբանանյան արաբական թատրոնի հիմնումը:
Ֆազլյանը նկարահանվել է բազմաթիվ ֆիլմերում, համագործակցել է եգիպտացի կինոռեժիսորների հետ: Նա կարճ շրջան աշխատել է նաև Հայաստանում:
Նշանավոր արվեստագետը Լիբանանի Սիմֆոնիկ նվագախմբի գլխավոր դիրիժոր Հարութ Ֆազլյանի հայրն է:
