24.09c
Երեվան
երկ, սպտ 14
ԱՄՆ մայրաքաղաք Ուաշինկթընի զանազան թաղերուն մէջ բնակող թուրքեր սկսած են Ուաշինկթընի դեսպանատան առջեւ գիշեր ու ցերեկ հերթ բռնել, որպէսզի արգելք ըլլան հայ ցուցարարներու կողմէ 1915-ի դէպքերու առթիւ Թուրքիոյ դէմ կատարուելիք ցոյցերուն: Դեսպանատան առջեւ թուրքեր վրաններ հաստատած են, մայթերու վրայ՝ տեղ գրաւած եւ շրջապատին մէջ թրքական դրօշակներ կախած են: Կը հաղորդուի նաեւ, որ տարբեր նահանգներէն մեծ թիւով թուրքեր եկած են ու հերթով կը մնան լարուած վրաններուն տակ:
Օրհան Վաթանսէվէր անունով անձը այս կապակցութեամբ ըսած է. «Պիտի չարտօնենք, որ հայ ցուցարարներ մօտենան դեսպանատան»:
Միւս կողմէ թուրքեր ծրագրած են 24 ապրիլին ցոյցի երթ ընել Սպիտակ Տան առջեւ: Ցոյցին պիտի մասնակցին ԱՄՆ բազմաթիւ նահանգներէն ժամանած հազարաւոր թուրքեր:
