16.09c
Երեվան
ուրբ, նմբ 22
Զազրելի սպանդ մը գործուած է Թուրքիոյ Քոնիա նահանգին մէջ։
Այս մասին տեղեկութիւնը տուած է Rudaw քրտական կայքը։
Մանրամասնութիւններուն մէջ կը նշուի, որ խումբ մը զինեալներ գրոհած են Տէտէօղլու ընտանիքի բնակարանը եւ կրակ բանալով սպաննած են ընտանիքի 7 անդամները։
Սպանդէն ետք անոնք խոյս տալու պահուն հրկիզած են բնակարանը։
Լրատուական աղբիւրներ կը հաղորդեն, որ եղածը հետեւանք է ընտանեկան վէճի մը , որ ունի երկար տարիներու նախապատմութիւն։
Միւս կողմէ կը նշուի նաեւ, որ իրաւապահ մարմիններ քննութիւն բացած են դէպքին շուրջ, իսկ Թուրքիոյ ներքին գործոց նախարար Սուլայման Սոյլու հերքած է բոլոր տիպի խօսակցութիւնները, ըստ որոնց սպաննութիւնը եղած է ցեղային խտրականութեան ֆոնին վրայ։
Կը հաղորդուի նաեւ, որ ոճիրը գործուած է 12 յուլիսին։
