11.09c
Երեվան
կրկ, մյս 19
ՀՀ ԱԺ նախագահ Ալեն Սիմոնեանի հրաւէրով աշխատանքային այցով Հայաստան է ժամանած է Վրաստանի խորհրդարանի նախագահ Շալվա Փափուաշվիլիի գլխաւորած պատուիրակութիւնը: Այս մասին կը տեղեկանանք ՀՀ ԱԺ պաշտօնական կայքէն։
Հայաստանի եւ Վրաստանի խորհրդարաններու նախագահներու` Դիլիջանի մէջ կայացած հանդիպումը մեկնարկած է առանձնազրոյցով, որուն յաջորդած է ընդլայնուած կազմով հանդիպումը:
Ողջունելով գործընկերը` ՀՀ ԱԺ նախագահը շնորհաւորած է եղբայրական Վրաստանը Եւրոմիութեան թեկնածու երկրի կարգավիճակ ստանալու կապակցութեամբ եւ նշած, որ այդ կարեւոր իրադարձութիւն է ամբողջ տարածաշրջանի համար:
Ալեն Սիմոնյանն ընդգծած է, որ Վրաստանի հետ յարաբերութիւններու խորացումը Հայաստանի համար ռազմավարական նշանակութիւն ունի եւ յոյս յայտնած, որ մօտ ապագային կը յաջողուի երկու երկիրներու միջեւ հաստատել ռազմավարական գործընկերութիւն:
Անդրադառնալով տնտեսական ոլորտի մէջ արդիւնաւէտ փոխգործակցութեան` Ալեն Սիմոնեանը կարեւորած է այն հանգամանքը, որ Հայաստանի եւ Վրաստանի միջեւ առեւտրաշրջանառութիւնն ու տնտեսական կապերը կը շարունակեն վերելք ապրիլ: Այս ծիրէն ներս խորհրդարանի ղեկավարը խօսած է Վերին Լարսի անցակէտին վրայ տարբեր պատճառներով հանդիպող խնդիրներու մասին եւ գոհունակութեամբ ընդգծած տարանցումը դիւրացնելուն ուղղուած վրացական կողմի ջանքերը: Վրաստանի խորհրդարանի նախագահն իր հերթին հաւաստիացուցած է, որ վերջին շրջանին այս ուղղութեամբ բաւականին դրական գործընթացներ իրականացուած են:
Ալեն Սիմոնեանն անդրադարձած է տարածաշրջանային անվտանգութեանն ու մարտահրաւէրներուն եւ վերահաստատած, որ Հայաստանը կը շարունակէ հաւատարիմ մնալ տարածաշրջանին մէջ խաղաղութիւն եւ կայունութիւն հաստատելու օրակարգին: Անդրադառնալով Հայաստանի ներկայացուցած «Խաղաղութեան խաչմերուկ»ին` Ալեն Սիմոնեանն առաջարկած է Վրաստանին միանալ այս նախագիծին:
«Հայաստանի եւ Վրաստանի յարաբերութիւնների բարձր մակարդակը Հարաւային Կովկասում անվտանգութեան ապահովման կարեւոր գործօններից է: Բարձր ենք գնահատում Վրաստանի հետաքրքրուածութիւնը եւ ջանքերը տարածաշրջանում խաղաղութիւն ու կայունութիւն հաստատելու գործում: Վրաստանի կառավարութեան «Խաղաղ հարեւանութիւն» նախաձեռնութիւնը միտուած է հենց այս նպատակին»,- փաստած է ԱԺ նախագահը:
Խորհրդարանի նախագահը գոհունակութեամբ փաստած է հայ-վրացական բարձր մակարդակի քաղաքական երկխօսութեան շարունակական զարգացումը, անդրադարձած է խորհրդարանական ձեւաչափին մէջ բարեյաջող գործակցութեան` նաեւ յանձնաժողովներու ու բարեկամական խումբերու մակարդակով:
Երկկողմ յարաբերութիւններու առումով ՀՀ ԱԺ նախագահը շնորհաւորած է կողմերը օրերս Ռուսթավի մէջ Հայաստանի պատուաւոր հիւպատոսութեան բացման կապակցութեամբ:
Շնորհակալութիւն յայտնելով հրաւէրի համար` Շալվա Փափուաշվիլին գոհունակութեամբ ընդգծած է երկկողմ խորհրդարանական համագործակցութեան ձեւաչափի արդիւնաւէտութիւնը: Քննարկուած են խորհրդարանական յանձնաժողովներու եւ աշխատակազմերու միջեւ համագործակցութեան ամրապնդման հնարաւոր նոր ձեւաչափերը:
Անդրադառնալով տարածաշրջանային խնդիրներուն` Վրաստանի խորհրդարանի նախագահն ընդգծած է, որ իրենք կ՚աջակցին Հայաստանի եւ Ատրպէյճանի միջեւ խաղաղութեան պայմանագրի ստորագրման, որ տարածաշրջանին մէջ երկարատեւ կայունութեան եւ զարգացման երաշխիք կրնայ ըլլալ:
Հանդիպման միտքեր փոխանակուած են Ատրպէյճանի մէջ գտնուող հայ գերիներու անյապաղ վերադարձի շուրջ:
