• 398
• 22/11/2023

Ոչ Եւս է Ներսէս Պապայեան

Օրերս Նիւ Եորքի մէջ իր մահկանացուն կնքած է ՌԱԿ կուսակցական գործիչ, հրապարակագիր Ներսէս Պապայեան։

Այս մասին «Արեւելք» տեղեկացաւ «Զարթօնք»էն, որ մասնավորապէս կը գրէ՝

Սրտի խոր կսկիծով ԶԱՐԹՕՆՔ կը գուժէ եռանդուն կուսակցական գործիչ, ՌԱԿ Մամուլի օրկաններու՝ ԶԱՐԹՕՆՔ-ի, ՊԱՅՔԱՐ-ի, ՆՈՐ ՕՐ-ի եւ The Armenian Mirror Spectator-ի աշխատակից եւ քաջածանօթ հրապարակագիր ընկ. Ներսէս Պապայեանի անակնկալ մահուան բօթը: Ան իր մահկանացուն կնքած է Նիւ Եորքի մէջ ԱՄՆ, 8 Նոյեմբեր 2023-ին:

Ընկ. Ներսէս Պապայեան արժանաւոր շառաւիղն էր Պապայեան երախտաշատ ընտանիքին, զաւակը՝ Պէյրութի Վահան Թէքէեան Վարժարանի վաստակաշատ տնօրէն՝ Երուանդ Պապայեանին:

Իր ցնցիչ մահուան տխուր առիթով, ԶԱՐԹՕՆՔ-ի մեծ ընտանիքին անունով, մեր խորազգաց վշտակցութիւնները կը յայտնենք Ողբ. Ընկ. Ներսէսին տիկնոջ ու զաւակներուն,  իր քրոջ՝ Փրոֆ. Սիլվա Պապայեան-Գարայեանին ու իր ընտանիքին, ինչպէս նաեւ  իր եղբօր՝ Ընկ. Արա եւ Սոնիա Պապայեաններուն եւ ընտանեկան պարագաներուն:  

Անհուն կարօտով միշտ պիտի յիշենք հոգեհարազատ ընկեր Ներսէսին: Մեր թերթերուն մէջ պիտի փնտռենք իր ստորագրած՝ ՆԱՄԱԿ ԱՄԵՐԻԿԱՅԷՆ ծանօթ սիւնակը, որ ափսոս պիտի ալ չերեւայ:

Միացիր մեզ Տելեգրամում

Սեղմել այստեղ

Միացիր մեզ Յութուբում

Սեղմել այստեղ

Միացիր մեզ Տելեգրամում

Միացիր մեզ Յութուբում

Կիսուիլ