-3.91c
Երեվան
երկ, դկտ 22
Վարչապետ Նիկոլ Փաշինեան Հանրային խորհուրդի անդամներու հետ այցելած է Տաւուշի մարզի Կիրանց բնակավայր:
Վարչապետը եւ Հանրային խորհուրդի անդամները նախ եղած են Հայաստանի Հանրապետութեան եւ Ատրպէյճանի Հանրապետութեան միջեւ պետական սահմանի սահմանազատուած Կիրանցի հատուած, ուր ներկայացուած են իրականացուած աշխատանքները:
Յաջորդ կանգառը եղած է Կիրանցի Գ. Վարդանեանի անուան նորակառոյց հիմնական դպրոց: Շրջայցի ընթացքին ՀԽ անդամները ծանօթացած են արդէն մէկ տարի շահագործման յանձնուած դպրոցի մէջ ստեղծուած պայմաններուն: Ծրագիրի նպատակով Կառավարութիւնը յատկացուցած էր 737 միլիոն դրամ։ Դպրոցը նախատեսուած է 100 երեխայի համար, կը գործէ 20 երեխայի համար նախատեսուած նախակրթարան:
Այնուհետեւ վարչապետը եւ ՀԽ անդամները ծանօթացած են Կիրանցի Ս. Երրորդութիւն եկեղեցւոյ վերականգման աշխատանքներուն: Ծրագիրի նպատակով պետական պիւտճէէն յատկացուած է 55 միլիոն դրամ։ Վերականգնման աշխատանքները կը նախատեսուին աւարտին հասցնել 2025-ի դեկտեմբերին:
