9.09c
Երեվան
կրկ, մյս 19
Ֆրանսայի Արտաքին գործոց նախարարութիւնը անընդունելի կը համարէ Ֆրանսայի նախագահի թեկնածու Վալերի Փեքրեսի հասցէին Ատրպէյճանի արտայայտութիւնները այն բանէն ետք երբ ան այցելած է Լեռնային Ղարաբաղ, սակայն կ'ակնկալէ, որ այսուհետ ֆրանսացի խորհրդարանականներն ու պաշտօնեաները նախապէս կը տեղեկացնեն հանրապետութեան իշխանութիւնները իրենց ուղեւորութիւններուն մասին։ Այս մասին յայտնած է Ֆրանսայի արտաքին գործոց նախարար Ժան-Իվ Լը Տրիանը։
«Նախագահ Ալիեւի խօսքերը կը վերաբերին ընտրուած պաշտօնեային եւ Ֆրանսայի նախագահի թեկնածուին. անոնք ձեւով եւ բովանդակութեամբ անընդունելի են։ Ես այդ մասին տեղեկացուցած եմ Ֆրանսայի մէջ Ատրպէյճանի դեսպանը», ըսած է ան։
Նախարարը յիշեցուցած է նաեւ, որ ֆրանսացի պատգամաւորներն ու պաշտօնեաները պարբերաբար կը ծանուցեն ԱԳՆ-ին իրենց արտասահմանեան ուղեւորութիւններուն մասին՝ անկախ անոնց նպատակէն՝ որպէս օրինակ բերելով Ծերակոյտին մէջ (Վերին պալատ) «Հանրապետականներ» խմբակցութեան ղեկավար Պրունօ Ռեթայոյի եւ Ֆրանսայի ԱԳՆ պետական քարտուղար Քլեման Պոնի Հայաստան կատարած այցերը։ Ի պատասխան՝ հարց տուող հանրապետական պատգամաւոր Էրիք Սյոթթին ըսած է, որ «թեկնածու Փեքրեսը չի պատրաստուիր ճամբորդութեան թոյլտուութիւն խնդրել թեկնածու Մաքրոնէն»։
