6.09c
Երեվան
չրք, փտր 25
Թուրքիոյ արտաքին գործոց նախարար՝ Մեւլութ Չաւուշօղլու յայտնեց, որ Շուէտն ու Ֆինլանտան ՆԱԹՕ-ի անդամակցութեան իրենց դիմումի ընդունումը արտօնող համաձայնութեան ծիրին մէջ իրենց բոլոր յանձնառութիւնները չկատարեցին եւ պէտք է շօշափելի քայլեր որդեգրեն:
Չաւուշօղլու Պոլսոյ մէջ ՆԱԹՕ-ի ընդհանուր քարտուղար՝ Ենս Սթոլթենպերկի հետ հանդիպումի ընթացքին ըսաւ, որ Թուրքիան նշմարած է, որ Ուլֆ Քրիսթերսոնի ղեկավարութեամբ Շուէտի նոր կառավարութիւնը իր յանձնառութիւններու կատարման հարցին մէջ վճռական գործելաոճ ունի:
Յիշեցնենք, որ Սթոքհոլմն ու Հելսինքին յունիսին Անգարայի հետ ստորագրած էին փոխադարձ հասկացողութեան համաձայնութիւն, որմէ ետք Թուրքիան հրաժարած էր անոնց ՆԱԹՕ-ի անդամակցութեան դիմումը վեթոյի ենթարկելէ:
Թուրքիան պահանջած էր, որ այդ երկիրները քիւրտ զինեալներու ապաստան չտրամադրեն:
Լուրը՝ Ազդակէն
