6.09c
Երեվան
ուրբ, նմբ 08
Հայաստանի եւ Թուրքիոյ յատուկ ներկայացուցիչները` Ռուբէն Ռուբինեանն ու Սերտար Քըլըչը, վաղը`յուլիս 30-ին, պիտի հանդիպին հայ–թրքական սահմանին։
Տեղեկութիւնը յայտնած է թուրք հաղորդավարուհի Սենա Ալքան։
«Հայաստանի եւ Թուրքիոյ յատուկ ներկայացուցիչները թուրք - հայկական սահմանին պիտի կայացնեն բանակցութիւններու 5-րդ փուլը»,– X-ի էջին գրած է թուրք հաղորդավարուհին։
Ըստ անոր` հանդիպումը պիտի կայանայ առաւօտեան՝ հայկական կողմի մօտ, ցերեկը՝ թրքական:
Ռուբինեանի եւ Քըլըչի հանդիպումը նախատեսուած էր յուլիս 3-ին, սակայն յետոյ թրքական կողմը հրաժարած էր։
ՀՀ ԱԳՆ–ն աւելի ուշ հաստատեց, որ յուլիս 30-ին Հայաստան-Թուրքիա սահմանին տեղի պիտի ունենայ յատուկ ներկայացուցիչներու 5-րդ հանդիպումը:
Յիշեցնենք՝ այս ձեւաչափով նախորդ հանդիպումը տեղի ունեցած է աւելի քան 2 տարի առաջ՝ 2022 թուականի յուլիս 1-ին՝ Վիեննայի մէջ:
