Պլինքըն անհամբեր կը սպասէ յառաջիկային Ուաշինկթընի մէջ հիւրընկալելու Միրզոյեանն ու Պայրամովը. Օ'Պրայըն

Պլինքըն անհամբեր կը սպասէ յառաջիկային Ուաշինկթընի մէջ հիւրընկալելու Միրզոյեանն ու Պայրամովը. Օ'Պրայըն

Միացեալ Նահանգներու արտաքին գործոց նախարար Էնթընի Պլինքընն անհամբեր կը սպասէ յառաջիկային Ուաշինկթընի մէջ հիւրընկալելու Հայաստանի եւ Ատրպէյճանի արտաքին գործոց նախարարներ Արարատ Միրզոյեանը եւ Ճէյհուն Պայրամովը՝ խաղաղութեան բանակցութիւններ կայացնելու համար։

Այս մասին X-ի իր էջին գրած է Միացեալ Նահանգներու արտաքին գործոց նախարաի՝ Եւրոպայի եւ Եւրասիոյ հարցերով օգնական Ճէյմս Օ'Պրայընը, որ դեկտեմբեր 6-ին Պաքուի մէջ հանդիպած է Ատրպէյճանի նախագահ Իլհամ Ալիեւի հետ։

Ան նաեւ աւելցուցած է, որ դրական ու կառուցողական հանդիպումներ ունեցած է Պաքուի մէջ: