5.09c
Երեվան
չրք, դկտ 24
Ռուսաստանի նախագահ Վլատիմիր Փութինի գործողութիւնները կը սպառնան Եւրոպայի անվտանգութեան, ան կը փափաքի վերստեղծել ռուսական կայսրութիւնը, Պունտեսթկի մէջ ելոյթի ժամանակ յայտարարած է Գերմանիոյ վարչապետը:
Անոր խօսքով` Եւրոպան չի կրնար թոյլ տալ, որ «Փութինի եւ ազատ աշխարհի այս հակամարտութիւնը բանայ հին վէրքերը եւ բերէ նոր ցնցումներու»:
Շոլց նշած է, որ Եւրոպայի մէջ երկարաժամկէտ անվտանգութիւնը առանց Ռուսաստանի անհնար է, սակայն «Փութինը տեսանելի ապագային կը վտանգէ այդ անվտանգութիւնը»:
Գերմանիոյ վարչապետը յայտարարած է նաեւ Գերմանիոյ մէջ բնական կազի երկու վերջակայաններու կառուցման մասին` ի պատասխան Ուքրանիոյ ռուսական ներխուժման եւ ռուսական բնական կազէն կախուածութեան: Շոլց համոզուած է, որ վերջակայաններու կառուցումը` հեղուկ կազ ստանալու համար, պիտի նպաստէ Ռուսաստանէն իր ուժանիւթային անկախութեան մեծացման:
