3.09c
Երեվան
ուրբ, փտր 27
Հայաստանի կառավարութեան տրամադրած կեցավայրերէն արդէն օգտուած է Լեռնային Ղարաբաղէն բռնի տեղահանուած 32 հազար 200 քաղաքացի:
Այս մասին յայտնած է ՀՀ վարչապետի մամուլի քարտուղար Նազելի Բաղդասարեանը:
Ան յիշեցուցած է, որ կառավարութիւնն այս պահուն բոլորին կ'առաջարկէ անվճար կեցավայրեր, որոնք պիտի ըլլան կարճաժամկէտ, որմէ ետք արդէն համապատասխան ծրագրով կը նախատեսուին երկարաժամկէտ եւ միջնաժամկէտ ծրագրեր՝ բնակեցման հետ կապուած:
«Եթէ նախօրէին առաւօտեան ժամը 10:00-ի դրութեամբ պետութեան կեցավայրերից օգտուել էր 20 հազար 306 անձ, ապա այսօր այդ թիւը կազմում է 32 հազար 200»,-ըսած է Բաղդասարեանը:
Ան ներկայացուցած է տեղաբաշխումն ըստ մարզերու. Արագածոտն՝ 1852, Արարատ՝ 7640, Արմաւիր՝ 3009, Գեղարքունիք՝ 2862, Լոռի՝ 1581, Կոտայք՝ 8289, Շիրակ՝ 1317, Սիւնիք՝ 2244, Վայոց ձոր՝ 1700 եւ Տաւուշ՝ 1706:
