10.09c
Երեվան
հնգ, փտր 26
ՀՀ պաշտպանութեան նախարարութիւնը յայտնած է, որ դեռ տեղեկութիւն չկայ Հայաստանի հարաւարեւելեան ուղղութեամբ տեղակայուած զօրամասի երկու զինծառայողի՝ Արամայիս Տոռոզեանի եւ Արթուր Նալպանտեանի վերաբերեալ, որոնց հետ կապը կորսուած էր 14 Յուլիսին:
«Արմէնփրէս»-ի հետ զրոյցի ժամանակ ՀՀ պաշտպանութեան նախարարութենէն յայտնած են, որ անոնց մասին դեռ տեղեկութիւն չկայ:
«Ցաւօք, դեռ որեւէ տեղեկութիւն չունենք: Ամենօրեայ ռեժիմով իրականացուում են որոնողական աշխատանքներ»,- նշած են ՀՀ ՊՆ-էն:
Յիշեցնենք, որ 14 Յուլիսի լուսադէմին, մառախուղի պայմաններու մէջ, ամրակցուած զինուորական մեքենայով ծառայողական պարտականութիւնները կատարելու ընթացքին կորած է կապը Հայաստանի Հանրապետութեան հարաւարեւելեան ուղղութեամբ տեղակայուած ՀՀ ԶՈւ N զօրամասի զինծառայող Արթուր Նալպանտեանի եւ վարորդ Արամայիս Տոռոզեանի հետ։
Ռուսական կողմի միջնորդութեամբ Ատրպէյճանի զինուժի ներկայացուցիչներու հետ կը քննարկուի զինծառայողներու ատրպէյճանական տարածքին մէջ յայտնուելու հաւանականութիւնը: Արթուր Նալպանտեանը եւ վարորդ Արամայիս Տոռոզեանը եղած են առանց զէնքի:
