19.09c
Երեվան
հնգ, հնս 26
ՆԱԹՕ-ի ռազմական կոմիտէի նախագահ, ծովակալ՝ Ռոպ Պաուըր յայտարարած է, որ դաշինքը պատրաստ է ուղիղ առճակատման Ռուսիոյ հետ, եւ որ վերազինումը ՆԱԹՕ-ի առաջնահերթութիւնն է։ Այս մասին ան ըսած է փորթուգալական RTP-ին տուած հարցազրոյցին:
Դաշինքի ռազմական կոմիտէի ղեկավարի կարծիքով՝ ՆԱԹՕ-ի երկիրներու քաղաքացիական արդիւնաբերական արտադրութիւնը պէտք է վերակողմնորոշուի դէպի ռազմական ոլորտ։ Այս պարունակին մէջ ծովակալը կողմ է «խաղաղ ժամանակաշրջանի ռազմական տնտեսութեան»:
«Ռոպ Պաուըր կը վստահեցնէ, որ ՆԱԹՕ-ն պատրաստ է ուղիղ առճակատման Ռուսիոյ հետ՝ գիտակցելով, որ վերազինումը դաշինքի առաջնահերթութիւնն է»,- գրած է RTP-ն։
Ան նաեւ ընդունած է, որ Հիւսիսատլանտեան դաշինքը կորսնցուցած է ռազմական նախաձեռնութեան մենաշնորհը։
Միեւնոյն ժամանակ Պաուըր պնդած է, որ Ռուսիոյ ռազմավարական նպատակները «դուրս կ'ելլեն Ուքրանիոյ սահմաններէն՝ հաշուի առնելով, որ Մոսկուան մտադիր է վերականգնելու նախկին Խորհրդային Միութեան տարածքը»:
