ԼՂՀ- «Արեւելք»- Արցախի անկախութեան 24-րդ տարեդարձին առթիւ Հայաստանի եւ Արցախի հանրապետութիւններու նախագահները այսօր այցելած են Ստեփանակերտի «Եղբայրական գերեզման» յարգելով յիշատակը Արցախի անկախութեան ճանապարհին ինկած նահատակներուն: ՀՀ նախագահ Սերժ Սարգսեան, ԼՂՀ նախագահ Բակո Սահակեան ընկերակցութեամբ Արցախի եւ Հայաստանի պատուիրակութիւններու «Վերածնունդ» հրապարակէն ուղղուած են «Եղբայրական գերեզման»: Նախագահները ծաղկեպսակ զետեղած են նահատակներու յիշատակին: Արարողութեան մասնակից եղած է ԼՂՀ նախկին նախագահ Արկադի Ղուկասեան, ԼՂՀ վարչապետ Արայիկ Յարութիւնեան, Արցախի թեմի առաջնորդ Պարգեւ Արք- Մարտիրոսեան- Արցախի ԱԳ նախարար Կարէն Միրզոյեան եւ քաղաքական գործիչներ Հայաստանէն ու Արցախէն: Նշենք, որ արարողութեան աւարտին զոյգ նախագահները իրենց շքախումբերով մեկնած են Շուշի , ուր բացումը պիտի կատարուի Արցախի գիւղատնտեսական համալսարանի եւ «Եզնիկ Մոզեան արհեստագիտական հիմնարկ»ին: