18.09c
Երեվան
ուրբ, սպտ 27
Մոսկուան վաղ առաւօտեան`տեղական ժամանակով մօտ 04:00-ին, ենթարկուած է անօդաչու թռչող սարքերու յարձակման: Այդ մասին յայտնած է «ՌԻԱ-Նովոսթի»ն` նշելով, որ Ուքրանիան փորձած է երկու անօդաչու թռչող սարքով հարուածել մայրաքաղաքի կառոյցները, որոնք չբնակեցուած շինութիւններ եղած են: ԱԹՍ-ները երկուքն ալ շարքէ դուրս բերուած են եւ կործանուած են:
Յարձակման հետեւանքով տուժածներ եւ լուրջ աւերածութիւններ չկան: Փակ է Լիխաչովի պողոտայով եւ դէպի Քոմսոմոլի պողոտայ երթեւեկութիւնը:
Ռուսիոյ Դաշնութեան Արտաքին գործոց նախարարութեան պաշտօնական ներկայացուցիչ Մարիա Զախարովան Մոսկուայի վրայ անօդաչու թռչող սարքերու յարձակումը «միջազգային ահաբեկչութիւն» անուանած է:
Ռուսիոյ Դաշնութեան պաշտպանութեան նախարարութեան տուեալներով՝ յարձակման ետին կանգնած են Ուքրանիոյ զինուած ուժերը։
Մոսկուայի քաղաքապետ Սերգէյ Սոպիանինը յայտնած է, որ 14 յուլիսի առաւօտեան՝ ժամը 04:00-ի սահմաններուն, անօդաչու սարքերը հարուածներ հասցուցած են երկու շէնքի։ Ինչպէս նշած է Ռուսիոյ Պաշտպանութեան նախարարութիւնը, եղած է երկու անօդաչու թռչող սարք։ Երկուքն ալ ճնշուած են ռատիոելեկտորնային պայքարի միջոցներով:
ԹԱՍՍ-ի հաղորդմամբ՝ առաջին անօդաչու թռչող սարքը ինկած է Քոմսոմոլսքի պողոտայի, երկրորդը՝ Լիխաչովի փողոցին վրայ գտնուող առեւտրական կեդրոնի բարձրայարկ շէնքին վրայ։ Մայրաքաղաքի շէնքերուն հասցուած հարուածներու պատասխանատւութիւնը Ռուսիոյ պաշտպանութեան գերատեսչութիւնը դրած է «Քիեւի ռեժիմի վրայ»։
