13.09c
Երեվան
հնգ, ապր 18
4 Հոկտեմբերին, ամերիկեան կողմի նախաձեռնութեամբ, տեղի ունեցած է ՀՀ Արտաքին գործոց նախարար Արարատ Միրզոյեանի, ԱՄՆ Արտաքին գործոց քարտուղար Էնթընի Պլինքընի եւ Ատրպէյճանի Արտաքին գործոց նախարար Ճէյհուն Պայրամովի հեռախօսազրոյցը: Այս մասին տեղեկացուցած են ԱԳՆ–էն:
Կողմերն իրենց կարծիքները ներկայացուցած են 2 հոկտեմբերին Ժընեւի մէջ կայացած հանդիպման վերաբերեալ:
Արարատ Միրզոյեան վերահաստատած է ՀՀ ինքնիշխան տարածքէն ատրպէյճանական Զինուած ուժերու դուրսբերման, Ատրպէյճանի մէջ ապօրինաբար պահուող հայ ռազմագերիներու շուտափոյթ հայրենադարձման ու հրադադարի ռեժիմի անվերապահ պահպանման անհրաժեշտութիւնը: Շեշտուած է ուժի կամ ուժի կիրառման սպառնալիքի միջոցով խնդիրներու կարգաւորման անընդունելիութիւնը:
Նոր յարձակումներու կանխարգելման ծիրէն ներս ընդգծուած է սահմանային իրավիճակի մշտադիտարկման եւ վերահսկման միջազգային մեքանիզմներու ներդրման կարեւորութիւնը:
Հեռախօսազանգի ընթացքին զրուցակիցները միտքեր փոխանակած են Հայաստան-Ատրպէյճան խաղաղութեան պայմանագրի մշակման ու Ստեփանակերտի եւ Պաքուի միջեւ քննարկումներու մեքանիզմի ստեղծման վերաբերեալ:
Պայմանաւորուածութիւն ձեռք բերուած է շարունակելու քննարկումները՝ ուղղուած Հարաւային Կովկասի մէջ կայունութեան եւ անվտանգութեան հաստատման:
