-2.91c
Երեվան
ուրբ, հնվ 02
Սուրիոյ պատերազմի ընթացքին, մեծ էր թիւը այն սուրիացիներուն, որոնք փորձեցին զանազան ձեւերով մուտք գործել Եւրոպա ու ապաստան գտնել այնտեղ եւ սակայն ոչ բոլորը յաջողեցան եւ նոյնիսկ շատեր ունեցան դժբախտ ճակատագիր:
Օրերս Հունգարիոյ մէջ ինքնաշարժի արկած մը կը խլէ Սուրիոյ Հասիչէ նահանգէն 7 սուրիացիներու կեանք, որ իրենց ճամբուն էին դէպի Գերմանիա փախստական կարգավիճակ ստանալու նպատակով:
Այս մասին «Արեւելք» կը տեղեկանայ համացանցէն:
Նշուած է թէ արկածի հետեւանքով մահացած են 7 երիտասարդներ, որոնց մէջ եղած է նաեւ պատանի մը, ինչպէս նաեւ վիրաւորուած են 3 ուրիշներ, ներառեալ ինքնաշարժի սերպ վարորդը, եւ անոնց վիճակը ծարայեղ ծանր է:
Աղբիւրը նշած է, թէ Հունկարիա-Սերպիա սահմանին վրայ փախստականներով լեցուն ինքնաշարժը հալածուած է հունկարական ոստիկանութեան կողմէ, եւ երբ ոստիկանութիւնը փորձած է փակել ինքնաշարժին ճանապարհը, վերջինս սահած է, շեղած ճանապարհէն, ու զարնուած մայթին, ապա անկիւնը գտնուոող խանութին։ Ոստիկանութիւնը վիրաւորները անմիջապէս փոխադրած է հիւանդանոց, եւ պատրաստակամութիւն յայտնած մահացողները յուղարկաւորել քաղաքի գերեզմանոցին մէջ:
