-4.91c
Երեվան
կրկ, հնվ 25
Հայաստանեայց Առաքելական Սուրբ եկեղեցին 22 յունուար 2026-ին երկու հայցադիմում ներկայացուցած է կարգալոյծ հռչակուած քահանայ Ստեփան Ասատրեանի (Տէր Արամ քահանայ) դէմ։
Հայցերէն մէկով եկեղեցին կը պահանջէ պարտաւորեցնել Ստեփան Ասատրեանին վերադարձնել Հայաստանեայց Առաքելական Սուրբ Եկեղեցւոյ սեփականութեան իրաւունքով պատկանող, Երեւան քաղաքի Արշակունեաց պողոտայի վրայ գտնուող բնակարանը (այդ շարքին՝ բնակարանի բանալիները)՝ վտարելով Ստեփան Ասատրեանը (իր հետ բնակող անձանց) նշուած բնակարանէն։
Երկրորդ հայցով կը պահանջէ պարտաւորեցնել Ստեփան Ասատրեանին վերադարձնել Հայաստանեայց Առաքելական Սուրբ Եկեղեցւոյ սեփականութեան իրաւունքով պատկանող, Արագածոտնի մարզի Աշտարակ համայնքի Օհանաւան գիւղի Յովհաննավանքի եկեղեցին (այդ շարքին՝ եկեղեցւոյ բանալիները)՝ արգիլելով Ստեփան Ասատրեանին մուտք գործել Յովհաննավանքի եկեղեցւոյ Սուրբ Խորան, աւանդատուն եւ ատեան։
Բացի այդ, կը պահանջուի բռնագանձել դատական ծախսերը, այդ շարքին՝ նախապէս վճարուած պետական տուրքի գումարը։ Եկեղեցւոյ շահերը դատարանին մէջ կը պաշտպանէ փաստաբան Արա Զոհրաբեանը։
