-1.91c
Երեվան
չրք, հնվ 15
Նիքոլաս Մատուրոն յայտարարած է, թէ ԱՄՆ-ը եւ ամերիկացի գործարար Իլոն Մասքը կանգնած են Վենեզուելայի մէջ պետական յեղաշրջման անյաջող փորձի ետին:
«Անոնք կը փորձեն Վենեզուելայի մէջ բեմադրել «Կուաիտօ» ֆիլմի երկրորդ մասը»,- նշած Է Մատուրօն՝ զուգահեռ կատարելով 2019 թուականի իրադարձութիւններու հետ, երբ որոշ երկիրներ Վենեզուելայի մէջ նախագահի ընտրութենէն ետք երկրի ընտրուած նախագահ ճանչցած են Խուան Կուաիտօն:
Մատուրօն նաեւ զգուշացուցած է՝ Վենեզուելայի աջ ընդդիմութիւնը՝ Քորինա Մաչատոյի գլխաւորութեամբ, ահաբեկչութիւն կը նախապատրաստէ Քարաքասի մէջ: Անոր խօսքով՝ Վենեզուելայի իշխանութիւնները տեղեկութիւն ստացած են Քարաքասի Պեյօ Մոնթէ գօտիին մէջ ծրագրուող ահաբեկչութեան մասին:
Յուլիս 28-ին Վենեզուելայի մէջ կայացած նախագահի ընտրութեան արդիւնքով երկրի ազգային ընտրական խորհուրդը արձանագրած է Մատուրոյի յաղթանակը՝ ձայներու 51,95 տոկոսով: Անոր հիմնական մրցակից Էտմունտօ Կոնսալեսը, ըստ խորհուրդի, ստացած է ձայներու 43,18 տոկոսը: Կոնսալեսի խումբը չէ ընդունած ընտրության արդյունքները: Մի շարք պետություններ, այդ թվում՝ ԱՄՆ-ը, չեն ճանաչել ընտրությունների յայտարարուած արդիւնքները: Վենեզուելայի մէջ ընտրութենէն ետք բողոքի ցոյցեր տեղի ունեցած են, որոնց ընթացքին ձերբակալուած է աւելի քան 1200 ցուցարար:
