-2.91c
Երեվան
հնգ, դկտ 12
ՄԱԿ-ի Անվտանգութեան խորհուրդի անդամները կոչ ըրած են միջազգային ջանքեր եւ ճնշում գործադրելու հակամարտող կողմերու վրայ՝ կանխելու Մերձաւոր Արեւելքի մէջ տարածաշրջանային մեծ պատերազմը: Անվտանգութեան խորհուրդը արտահերթ նիստ հրաւիրած էր՝ կապուած Իրանի մէջ «Համաս»-ի քաղբիւրոյի ղեկավար Իսմայիլ Հանիյէի սպանութեան հետ:
ՄԱԿ-ի ընդհանուր քարտուղար Անթոնիօ Կութերեշ քննադատած է իսրայէլեան բանակի յարձակումը Պէյրութի վրայ եւ Թեհրանի մէջ Հանիյէի սպանութիւնը։
«Հարաւային Պէյրութի եւ Թեհրանի մէջ յարձակումները կը վկայեն վտանգաւոր մագլցումի մասին այն ժամանակ, երբ բոլոր ջանքերը պէտք է ուղղուած ըլլան Կազայի մէջ հրադադարի հաստատման եւ իսրայէլա-լիբանանեան սահմանին հանգստութիւն հաստատելուն»,-ըսած է ընդհանուր քարտուղարի խօսնակ Սթեֆան Տիւժարիքը։
Անոր խօսքով՝ Կութերեշ կոչ ըրած է շահագրգիռ կողմերուն՝ «եռանդուն աշխատելու տարածաշրջանին մէջ լարուածութեան թուլացման ուղղութեամբ՝ բոլորի համար ապահովելու երկարաժամկէտ խաղաղութիւն եւ կայունութիւն»։
