Անգարայի կողմէ պետական յեղաշրջման փորձի մէջ մեղադրուող իսլամական քարոզիչ՝ Ֆեթուլլահ Կիւլէնի մահուան մասին թրքական լրատուամիջոցներով տարածուած լուրերը չեն համապատասխաներ իրականութեան։ Այս մասին հինգշաբթի ԹԱՍՍ-ին յայտնած է Փենսիլվանիոյ մէջ Կիւլէնի կողմէ ստեղծուած «Ոսկեայ սերունդ» կազմակերպութեան ղեկավարութեան մօտիկ աղբիւրը։
«Այդ տեղեկութիւնը չի համապատասխաներ իրականութեան, այդ սուտ է», ըսած է աղբիւրը։
Աւելի վաղ թրքական ընդդիմադիր Oda TV լրատուականը յայտարարութիւն տարածած էր, որ Կիւլէն թունաւորուած է Փենսիլվանիա գտնուող իր տան մէջ։
Յիշեցնենք, որ 2016 թուականի յուլիսեան յեղաշրջումէն յետոյ Անգարան պահանջած է Կիւլէնի արտայանձնումը Միացեալ Նահանգներէն։ Կիւլէն 1999 թուականէն ի վեր կ'ապրի Փենսիլվանիա նահանգ կամաւոր աքսորի մէջ։