4.09c
Երեվան
երք, փտր 11
Երէկ ռուսական խաղաղապահ առաքելութեան բանակցութիւնները ատրպէյճանական կողմին հետ որոշակի դրական ազդեցութիւն ունեցած է: Այս մասին իր ֆէյսպուքեան էջով գրած է Արցախի Հանրապետութեան ԱԻՊԾ մամուլի խօսնակ Յունան Թադեւոսեանը:
«Սիրելի հայրենակիցներ
Երէկ, ռուսական խաղաղապահ առաքելութեան կոնտինգենտի բանակցութիւններն ատրպէյճանական կողմի հետ որոշակի դրական ազդեցութիւն է ունեցել: Կէսօրից յետոյ բարձրախօսով գիւղը լքելու բարբաջանքներ չեն հնչել, փոխարէնը 2 անգամ «Խոճալու»ի շինծու ջարդերի մասին մուղամ են «հրամցրել»:
Խաղաղապահները վստահեցրել են, որ այս խնդիրն յառաջիկայ 2-3 օրերի ընթացքում կը լուծուի:
Յիշեցնենք, որ Փետրուարի 16-ից սկսած ատրպէյճանական կողմը շփման գծի Խրամորթ-Ակնա (Աղտամ) հատուածում մի քանի անգամ խախտել է հրադադարի պահպանման ռեժիմը` կրակել դաշտավայրում աշխատող տրակտորիստի ուղղութեամբ, այնուհետեւ յաջորդ օրը գիւղացիներին բանաւոր զգուշացրել են լքել տարածքը: Անյաջող այս փորձերին յաջորդել է բարձրախօսով կոչերը:
Այս պահին հանգիստ է: Գիւղը շարունակում է ապրել իր առօրեայ հոգս ու գործով:
ՆԳՆ ոստիկանութեան Ասկերանի շրջանային բաժնի ծառայողները մշտապէս կապի մէջ են խրամորթցիների հետ եւ վերահսկում են օպերատիւ իրավիճակը», յայտնած է ան:
