8.09c
Երեվան
ուրբ, նմբ 22
«Մանաւանդ, որ Ահմատինաժատի այս յայտարարութիւնը պաշտօնապէս ազգային անվտանգութեան դէմ ուղղուած արարք կը համարուի, սակայն կարեւոր է յստակացնել, թէ ան ուրկէ ունի այդ ճշգրտութիւնը, այսպիսի կեղծ եւ շինծու տեղեկութիւններու կապակցութեամբ»,- շարունակած է թերթը:
«Ռուսաստան «կեղտոտ գործարք» կնքած է Արեւմուտքի եւ Միացեալ Նահանգներուն հետ Իրանի եւ Ուքրանիոյ վերաբերեալ»։ Ըստ իրանեան լրատուամիջոցներուն՝ այս մասին յայտարարած է Իրանի նախկին նախագահ Մահմուտ Ահմատինաժատ իր երկրի մշակութային գործիչներու հետ զրոյցի ընթացքին:
«Ռուսաստան համաձայնութիւն կնքած է Միացեալ Նահանգներուն հետ Իրանի եւ Ուքրանիոյ վերաբերեալ, Ռուսաստանին թոյլ կը տրուի ներխուժել Ուքրանիա, իսկ միւս կողմին թոյլ կը տրուի գալ Իրան, բայց անոնք պիտի զղջան ասոր համար», ըսած է Ահմատինաժատ: Ան Ռուսաստանի եւ Արեւմուտքի միջեւ գաղտնի համաձայնութիւնը որակած է «կեղտոտ գործարք» ըսելով, որ «Իրանի դէմ պատերազմի վտանգ կայ, եթէ Ռուսաստան ներխուժէ Ուքրանիա»:
«Պատմութիւնը ցոյց կու տայ, որ Ռուսաստանի դիրքորոշումը միշտ ալ Իրանի դէմ եղած է, եւ ան միշտ «ծախած է» իրանցի ժողովուրդը»,- շարունակած է նախկին նախագահը:
Ան զգուշացուցած է Իրանի պաշտօնական անձերը աջակցելէ Ռուսաստանին այս առճակատման մէջ, երբ Իրանի ժողովուրդը չ'աջակցիր պատերազմին:
Ահմատինաժատ նաեւ զգուշացուցած է «Արեւելքի, Արեւմուտքի եւ Եւրոպական երկիրները որեւէ կեղտոտ գործարք կնքելէ Իրանի դէմ Ուքրանիոյ հարցով», «Մի՛ կարծէք, թէ Իրանի իշխանութիւնն ու ինքնիշխանութիւնը տկարացած են, եւ դուք կրնաք ընել ինչ որ կ'ուզէք»:
Իր հերթին, կառավարական «Իրան» թերթը ի պատասխան Ահմատինաժատի այս վերջին յայտարարութիւններուն, յօդուածով մը հանդէս եկած է ուր գրած, «Ահմատինաժատ իբր թէ ճշգրիտ տեղեկութիւններու համաձայն կը պնդէ, որ Ռուսաստան ու Միացեալ Նահանգները փոխանակած են Իրանի եւ Ուքրանիոյ հարցերը»: Թերթը աւելցուցած է «Այսինքն, ըստ Ահմատինաժատի, Միացեալ Նահանգները պէտք է կանաչ լոյս տայ Ռուսաստանի Ուքրանիա ներխուժման, փոխարէնը Ռուսաստան պէտք չէ խոչընդոտէ Միացեալ Նահանգներու գործողութիւնները Իրանի նկատմամբ։Մանաւանդ, որ Ահմատինաժատի այս յայտարարութիւնը պաշտօնապէս ազգային անվտանգութեան դէմ ուղղուած արարք կը համարուի, սակայն կարեւոր է յստակացնել, թէ ան ուրկէ ունի այդ ճշգրտութիւնը, այսպիսի կեղծ եւ շինծու տեղեկութիւններու կապակցութեամբ»,- շարունակած է թերթը:
Թերթը նաեւ գրած է. «Պարզ է, որ այս պնդումները մէկ կողմէն կը ձգտին սպառել տնտեսական հնարաւորութիւնները երբ երկիրը պատժամիջոցներու տակ է եւ ճակատագրական պահու դիմաց կանգնած հաւասարակշռելու արտաքին քաղաքականութիւնը: Իսկ Միւս կողմէն, այսպիսի յայտարարութիւններ հանրային կարծիքին մէջ կը ստեղծէ պատերազմի վախը, յիշեցնելով յայտնի այն արտայայտութիւնը՝ (յաղթանակը, յաղթանակը) ձեռք կը բերուի ահաբեկման միջոցով»:
Ի վերջոյ թերթը հարցադրում մը բարձրացուցած է «Ահա եւս ուրիշ հարցում մը, ի՞նչ է Ահմատինաժատի նպատակը այսպիսի ոչ ստոյգ տեղեկութիւններ հրապարակելու մէջ, եւ որո՞ւ կը նուիրէ այս յաղթանակը վախցնելով մեր ազգը»:
Նիւթը՝ Sawt Beirut-կայքէն։
