• 89
• 02/02/2023

Կարսի մէջ ուժայիններու կարեւոր հաւաք

Թուրքիոյ ազգային պաշտպանութեան նախարար Հուլուսի Աքարը եռակողմ հանդիպում ունեցած է Ատրպէյճանի պաշտպանութեան նախարար զօրավար Զաքիր Հասանովի եւ Վրաստանի պաշտպանութեան նախարար Ճուանշեր Պուրչուլաձէի հետ, յայտնած է Անատոլու գործակալութիւնը:

Աքարը, Հասանովը եւ Պուրչուլաձէն հանդիպած են Կարս նահանգի Սարիղամիշ քաղաքին մէջ: Հանդիպման մասնակցած են Թուրքիոյ զինուած ուժերու հրամանատարութեան ներկայացուցիչներ։

Հանդիպման ընթացքին միտքերու փոխանակութիւն տեղի ունեցած է ռազմական պատրաստութեան եւ համագործակցութեան հարցերու շուրջ։

Նախարարները 2 փետրուարին Սարիղամիշի մէջ պիտի հետեւին 2023 թուականի ձմեռային զօրավարժութիւններու ընթացքին։