19.09c
Երեվան
հնգ, ապր 24
Կառավարութիւնը կը նախատեսէ խստացնել զինուորական ծառայութենէն խուսափելու համար նախատեսուող պատիժները։
Ըստ այդմ՝ պարտադիր զինուորական կամ այլընտրանքային ծառայութենէն կամ զօրահաւաքային զօրակոչէն խուսափելու համար նախատեսուած 2-էն 5 տարի պատիժը կառավարութիւնը կ՚առաջարկէ դարձնել 3-էն 6 տարի։
Վարժական հաւաքէն խուսափելու համար թէ նախապէս սահմանուած էր պատիժ տուգանքի ձեւով առաւելագոյնը քսանապատիկի չափով, կամ կարճաժամկէտ ազատազրկում՝ առաւելագոյնը երկու ամիս ժամկէտով, կամ ազատազրկում՝ առաւելագոյնը երկու տարի ժամկէտով, ապա կառավարութիւնը կ՚առաջարկէ տուգանք սահմանել տասնհինգապատիկէն երեսնապատիկի չափով, կամ կարճաժամկէտ ազատազրկում՝ առաւելագոյնը երկու ամիս ժամկէտով, կամ ազատազրկում՝ 1-էն 3 տարի ժամկէտով:
Կառավարութեան հիմնաւորման մէջ նշուած է, որ այս խստացումները զօրակոչէն եւ վարժական հաւաքներէն խուսափելու դէպքերը նուազեցնելու նպատակ ունին։
