-1.91c
Երեվան
շբթ, նմբ 09
Տասնեակ հազարաւոր մարդիկ ամբողջ Իսրայէլի մէջ կիրակի մասնակցած են հակակառավարական բողոքի ցոյցերուն՝ պահանջելով վարչապետ Բենիամին Նաթանիահուի հրաժարականը: Այս մասին գրած է The Guardian-ը՝ մանրամասնելով, որ ցուցարարներուն միացած են նաեւ պաղեստինեան «Համաս» շարժման մօտ պահուող իսրայէլցի գերիներու ընտանիքները:
Թէլ Աւիւի, Երուսաղէմի, Հայֆայի, Պէեր Շեւայի, Կեսարիոյ եւ այլ քաղաքներու մէջ ցուցարարները պահանջած են ազատ արձակել Կազայի մէջ շուրջ վեց ամիս գերութեան մէջ գտնուողները՝ Նաթանիահուն որակելով որպէս «գործարքի խոչընդոտ»: Անոնք խոստացած են շարունակել ցոյցերը մինչեւ Նաթանիահուն լքէ իշխանութիւնը:
«Արդէն 176 օր է, որ ես աչքս չեմ փակեր՝ մտածելով այն մասին եւ վախնալով անկէ, թէ ինչի միջով կ՚անցնին առեւանգուածները: Իսրայէլի ժողովուրդը չի մոռանար եւ չի ներեր որեւէ մէկը, որ կը խոչընդոտէ պատանդներու վերադարձի գործարքը։ 176 օր, 4224 ժամ անց արդարացումները սպառած են», -ըսած է պատանդներէն մէկու մայրը:
