22.19c
Երեվան
չրք, օգս 12
Օրուայ իշխանութիւնը կապ չունի ժողովրդավարութեան հետ:
Ըսած է ՀՅԴ Գերագոյն Մարմնի անդամ, ԱԺ «Հայաստան» խմբակցութեան պատգամաւոր Իշխան Սաղաթէլեան:
«2 տարի առաջ մի շարք համայնքներում տեղի ունեցած ՏԻՄ (տեղական ինքնակառավարման մարմին) ընտրութիւններից յետոյ արձանագրել ենք, որ օրուայ իշխանութիւնը որեւէ պարագայում պատրաստ չէ հաշուի նստել ժողովրդի կամարտայայտութեան հետ։
Նախորդած շրջանում Բերդ, Գորիս, Թալին, Վանաձոր, Ախուրեան, Անի եւ այլ համայնքների՝ ժողովրդի կողմից ընտրուած համայնքապետերի, իսկ այս օրերին Ալավերդի համայնքում ոչ իշխանական թեկնածուի նկատամամբ իրականացուող ապօրինութիւնները միայն վերահաստատում են հնչեցուած գնահատականները։
Նման գործողութիւններով օրուայ իշխանութիւնը միայն ապացուցում է, որ ինքը որեւէ կապ չունի ժողովրդավարութեան, քաղաքացու ընտրելու եւ ընտրուելու, ազատ ընտրութիւններ կազմակերպելու հետ։
Ինչպէս միւս բոլոր դէպքերում, այս դէպքում եւս, ժողովրդավարութիւն ասուածը նրանց համար ընդամէնը պոպոլիստական (ժողովրդական) կարգախօս է։
Յուսով եմ` Հայաստանում «ժողովրդավարութեան առաջընթացով» ոգեւորուած ուժերն այս փաստերից շատ չեն տխրի եւ կը շարունակեն ջայլամի քաղաքականութիւնը»:
