18.09c
Երեվան
կրկ, ապր 06
Եմէնի հիւսիսը իշխող «Անսար Ալլահ» շարժման անդամները անօդաչու թռչող սարքով յարձակած են Թէլ Աւիւի տարածքին մէջ գտնուող ռազմական կառոյցի վրայ եւ Սաատա նահանգի վրայ՝ խոցելով F360 հետախուզական ինքնաթիռը, որ կը գործէր ի շահ ԱՄՆ-ի եւ Իսրայէլի։
Ինչպէս կը տեղեկացնէ «Արմէնփրէս»-ը, այդ մասին յայտնած է շարժման ռազմական խօսնակ Եահիա Սարիան:
Նշուած է, որ «Gant Shark F360» հետախուզական ինքնաթիռը յատուկ առաքելութիւն կ՚իրականացնէր Սաատա նահանգին մէջ:
Իսրայէլեան բանակն իր հերթին աւելի վաղ յայտնած էր, որ անօդաչու թռչող սարք որսացած է, որ երկրին կը մօտենար արեւելքէն:
Հուսիները վերսկսած են յարձակումները Իսրայէլի տարածքի վրայ, որոնք դադրեցուած էին յունուարին՝ Պաղեստինի Կազայի հատուածին մէջ զինադադար սկսելէ ետք:
Աւելի վաղ Հուսիներու առաջնորդ Ապտել Մալիք ալ Հուսին նախազգուշացուցած էր, որ «Անսար Ալլահ»ը պիտի վերսկսի յարձակումները Կարմիր եւ Արաբական ծովերուն մէջ Իսրայէլի հետ կապուած նաւերու վրայ, եթէ Իսրայէլը շարունակէ Կազայի հատուածի շրջափակումը։
