13.09c
Երեվան
չրք, հկտ 04
Օրերս Երեւանի մէջ կայացած է ՀՕՄ-ուհիներու հերթական հաւաք մը կազմակերպութեամբ՝ «Կռունկ» մասնաճիւղին։ Այս մասին «Արեւելք» տեղեկացաւ միութեան տարածած թղթակցութենէն:
Թղթակցութեան մէջ նաեւ գրուած է՝
Մեծ մասամբ Հալէպահայ անդամուհիներով համալրուած այս մասնաճիւղը նոր եռանդ կը փոխանցէ Հայաստանով եւ Արցախով մէկ տարածուող ՀՕՄ-ի ընդհանուր գործունէութեան։
Ինչպէս Հալէպի եւ Պէյրութի մէջ ՀՕՄ-ական տիկիններ նուիրական նոյն ոգիով եւ տրամադրութեամբ կը շարունակեն իրենց ազգանուէր գործունէութիւնը։
Նշենք, որ սոյն ձեռնարկին մասին «Արեւելք» մասնաւորապէս իմացաւ ՀՕՄ-ի «Կռունկ» մասնաճիւղի դիմատետրի էջէն, ուրկէ մասնաւորապէս կը կարդանք՝
ՀՕՄ-ի Երեւանի «Կռունկ» մասնաճիւղի վարչութիւնը կազմակերպած էր, Աշնանային մտերմիկ միջոցառում մը Հինգշաբթի 17 Նոյեմբեր 2022_ին,"Պարոն" ճաշարանէն ներս։
Ձեռնարկը ընթացաւ տաքուկ մթնոլորտի մէջ ։
Սոյն օրուայ ներկայացուած յայտագիրը և կենդանի երաժշտութիւնը հաճելի պահեր փոխանցեցին սիրելի ընկերուհիներուն և մեր մէջ գտնուող յարգելի հիւրերուն։
Ներկաներուն ջերմեռանդ խօսքերն ու շնորհակալական արտայայտութիւնները վարչութեանս կը պարտաւորեցնեն ,կը գօտեպնդեն և կը կրկնապատկեն անխոնջ եւ անսակարգ ծառայութեան ընթացքը։
Շնորհակալութիւն մեր բոլոր նուիրատուներուն և կամաւոր ընկերային յանձնախումբի ընկերուհիներուն, որոնք զօրավիգ հանդիսացան և նպաստեցին սոյն ձեռնարկի յաջողութեան։
