20.09c
Երեվան
չրք, հնս 25
ՍԴՀԿ մամուլէն վերահասու դարձանք , որ Լոնտոնի մէջ իր մահկանացուն կնքած է հնչակեան գործիչ, գրող եւ մտաւորական Մանուէլ Ադամեանը։
Այս մասին կարճ մահագրութիւն մը տարածած է ՍԴՀԿ-ի Կեդրոնական Վարչութիւնը, որ կը ներկայացնենք ստորեւ.
Սոցիալ Դեմոկրատ Հնչակեան Կուսակցութեան Կեդրոնական Վարչութիւնը Խոր ցաւով կը գուժէ Ընկեր ՄԱՆՈՒԷԼ ԱԴԱՄԵԱՆի մահը, որ պատահեցաւ Երկուշաբթի, 27 Սեպտեմբերին, Լոնտոնի մէջ:
Ընկ. Ադամեան եղած է ՍԴՀԿ Կեդրոնական վարչութեան երկարամեայ անդամ` ծաւալելով կուսակցական, ազգային, հասարակական, կրթական եւ գրական բեղուն գործունէութիւն Լիբանանի եւ Լոնտոնի մէջ:
Որպէս գրող ու բանաստեղծ ան հեղինակն է բազմաթիւ Հատորներու: Եղած է խմբագիրը Լոնտոնի մէջ հրատարակուած «Նոր Սերունդ» պարբերականին:
Ընկ. Ադամեան եղած է Հայաստանի Գրողներու Միութեան անդամ ու արժանացած է բազմաթիւ շքանշաններու եւ պարգեւներու:
