12.09c
Երեվան
շբթ, ապր 20
20 Սեպտեմբերին, Երեւանի մէջ մահացած է հայ անուանի դերասանուհի, արձակագիր, թարգմանիչ, ՀՀ վաստակաւոր արուեսագիտուհի՝ Անահիտ Թոփչեան (ծնեալ՝ Մկրտչեան), գրաքննադատ, արձակագիր, հրապարակախօս՝ Ալեքսանդր Թոփչեանի կինը։
Ան ծնած է 2 օգոստոս 1947-ին, Արթիկ: 1971-ին աւարտած է Երեւանի պետական համալսարանի ռուս բանասիրութեան բաժինը։ 1998-ին անդամակցած է ՀՀ գրողներու միութեան։ 1967–1991 թուականներուն աշխատած է Երեւանի Հրաչեայ Ղափլանեանի անուան դրամատիկական թատրոնը։ Խաղացած է աւելի քան 100 դեր շարժապատկերներու, հեռատեսիլային թատրոնի, ռատիոթատրոնի եւ թատրոնի մէջ։ 1990-ին հիմնադրած է հեղինակային թատրոն, որու ծիրէն ներս հիւրախաղերով շրջագայած է բազմաթիւ երկիրներ (Ֆրանսա, ԱՄՆ, Զուիցերիա, Գերմանիա, Գանատա, Լիբանան, Սուրիա, Կիպրոս)` ըլլալով թատերական բեմադրիչ, հեղինակ, դերասան եւ գեղարուեստական ղեկավար։
1990-էն ետք հայ եւ արտասահմանեան մամուլով հանդէս եկած է հրապարակախօսական, արուեստաբանական յօդուածներով եւ գեղարուեստական արձակով։ Ունի բազմաթիւ թարգմանութիւններ ֆրանսական գրականութենէն։ Անահիտ Թոփչեանի պատմուածքները թարգմանուած են զանազան լեզուներու: Հեղինակն է «Lady S.D.F.», «Հայելի», «Մենախօսութիւն գժանոցից», «Անհասցէ տիկինը» ժողովածուներուն եւ «Անհետացում», «Տագնապ» վէպերուն։ 2012-ին անոր «Մարաթոն» պատմուածքը բեմադրուած է Փարիզի Տ. Միյոյի անուան թատրոնը։
