23.09c
Երեվան
կրկ, հնս 29
Հոկտեմբեր 29-ին Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսի նախագահութեամբ Մայր Աթոռ Սուրբ էջմիածնի մէջ գումարուեցաւ հայաստանեան եպիսկոպոսներու եւ թեմակալ առաջնորդներու ժողով, որու ընթացքին քննարկուեցան հոգեւոր-ազգային, եկեղեցական, հովուական եւ ներքին կազմակերպական շարք մը հարցեր:
Առանձին քննարկման նիւթ դարձան 44-օրեայ պատերազմի հետեւանքներու յաղթահարման ուղղութեամբ Հայ Եկեղեցւոյ կողմէ իրականացուող հոգեւոր-խնամատարական գործունէութիւնը, ռազմագերիներու վերադարձման, անյայտ կորսուածներու յայտնաբերման խնդիրները, զոհուածներու աճիւններու նոյնականացման եւ յուղարկաւորութեան հետ առնչուող հարցերը:
Անդրադարձ եղաւ նաեւ ՀՀ Ազգային Ժողովի կողմէ «Հայաստանի Հանրապետութեան տօներու եւ յիշատակի օրերու մասին» օրէնքին մէջ Ամանորի եւ Սուրբ Ծննդեան տօներուն վերաբերեալ նախաձեռնուած փոփոխութիւններուն: Այս կապակցութեամբ ժողովը արձանագրեց․
«Կարեւորում ենք պետական տօնացոյցում ազգային, հոգեւոր ու պետական տօների եւ յիշատակի օրերի պատշաճ ներկայացուածութիւնը, քանզի մեր հոգեւոր ու մշակութային արժէքները, ազգային դիմագիծն ու ձգտումները արտայայտւում են նաեւ տօների եւ յիշատակի օրերի խորհուրդներում:
Յատկանշական է, որ շատ երկրներում, որոնց թւում` Աւստրիան, Ֆրանսիան, Գերմանիան, Ռումինիան, Լեհաստանը, Լիտուան եւ հարեւան Վրաստանը, պետական ոչ-աշխատանքային օրերի գերակշռող մասը (60-80%)` եկեղեցական տօներ են: Մինչդեռ քրիստոնէութիւնն իբրեւ պետական կրօն առաջինն ընդունած Հայաստանում` միայն 19% է եկեղեցական:
Այսու դիմում ենք Ազգային Ժողովի խմբակցութիւններին` Ամանորի ու Սուրբ Ծննդեան տօների ոչ-աշխատանքային օրեր պահպանել նաեւ Յունուարի 5-ը, որպէս Սուրբ Ծննդեան Ճրագալոյցի տօնական օր եւ Յունուարի 7-ը, որպէս մեռելոց յիշատակի օր, յատկապէս, երբ արցախեան պատերազմի զոհերի ցաւը դեռ մորմոքում է մեր ժողովրդի սրտում:
Լիայոյս ենք, որ ընդառաջ մեր ժողովրդի բարեպաշտ զգացումներին եւ աղօթքի ու մխիթարութեան հոգեւոր կարիքներին` Ազգային Ժողովի կողմից նկատի կառնուի Մայր Աթոռ Սուրբ Էջմիածնի սոյն առաջարկը»:
