32.09c
Երեվան
ուրբ, հնս 20
Ռուսաստանը կը շարունակէ սերտօրէն աշխատիլ գործընկերներուն հետ` Հայաստանի, Ատրպէյճանի եւ Ռուսաստանի ղեկավարներու եռակողմ յայտարարութիւնը կեանքի կոչելու նպատակով, որն այդ շարքին նաեւ հայ-ատրպէյճանական սահմանի սահմանազատման եւ հետագայ սահմանագծման հարցով երկկողմ յանձնաժողովի ստեղծում կը նախատեսէ` Մոսկուայի խորհրդատուական աջակցութեամբ: Այս մասին յայտարարած է Ռուսաստանի Արտաքին գործոց նախարարութեան տեղեկատուութեան եւ մամուլի բաժնի փոխտնօրէն Ալեքսէյ Զայցեւը:
«Վստահ ենք, որ յանձնաժողովի ձեւաւորումը եւ սահմանազատման գործընթացի մեկնարկը պիտի նպաստեն սահմանային միջադէպերու կանխարգիլման եւ, ընդհանուր առմամբ, կարեւոր ներդրում պիտի ունենան Երեւանի եւ Պաքուի միջեւ յարաբերութիւններու կարգաւորման գործին մէջ», ըսած է Զայցեւը:
