1.09c
Երեվան
հնգ, դկտ 12
Կառավարութիւնը վաղաժամկէտ դադրեցուց Գիւմրիի աւագանիի լիազօրութիւնները։ ՀՀ ընտրական օրէնսգիրքի համաձայն՝ աւագանիի նոր ընտրութիւններ պիտի նշանակուին։
Կառավարութեան հիմնաւորմամբ, Գիւմրի համայնքի աւագանիի վերջին նիստը գումարուած է 2024 թուականի սեպտեմբեր 9-ին: Ըստ օրէնքի՝ կառավարութիւնը կրնայ վաղաժամկէտ դադրեցնել աւագանիի լիազօրութիւնները, եթէ հերթական նստաշրջանի ընթացքին աւագանիի նիստերը երեք ամիսէն աւելի չեն գումարուիր: Եռամսեայ ժամկէտը լրացած է դեկտեմբեր 10-ին:
Արտահերթ ընտրութիւններ նշանակելու որոշումն ուժի մէջ պիտի մտնէ փետրուար 20-ին, իսկ ընտրական օրէնսգիրքը կը սահմանէ, որ արտահերթ ընտրութիւնները պիտի կայացուին փետրուար 20-էն ետք ոչ շուտ քան 30 եւ ոչ ուշ քան 40 օր անց։ Սա կը նշանակէ, որ Գիւմրիի մէջ աւագանիի արտահերթ ընտրութիւնները պիտի կայանան մարտ 30-ին։
Գիւմրիի մէջ կառավարման ճգնաժամ առաջացած էր նոյեմբերէն, երբ «Բալասանեան» դաշինքը մանթատները վար դրաւ։ Գիւմրիի մէջ «Քաղաքացիական պայմանագիր»-ը իրականացուց նախնական ընտրութիւններ՝ քաղաքապետի ժամանակաւոր պաշտօնակատար նշանակելու համար։ Ներկուսակցական նախնական ընտրութիւններուն յաղթեց անկուսակցական Սարիկ Մինասեանը։
Փաշինեանը անոր պիտի նշանակէ Գիւմրիի քաղաքապետի ժամանակաւոր պաշտօնակատար դեկտեմբեր 13-ին։
