0.09c
Երեվան
ուրբ, դկտ 26
Հաւաքական անվտանգութեան պայմանագրի կազմակերպութեան (ՀԱՊԿ) խորհուրդը չի նախատեսեր որեւէ փաստաթուղթ ստորագրել Յունուար 10-ին նախատեսուած տեսաժողովէն ետք։ Այս մասին յայտնած է Ռուսաստանի նախագահի մամուլի քարտուղար Տմիթրի Փեսքովը։ Բանակցութիւններու ընթացքին ՀԱՊԿ երկիրներու ղեկավարները պիտի քննարկեն Ղազախստանի մէջ ստեղծուած իրավիճակը:
ՀԱՊԿ հաւաքական խաղաղապահ ուժերը աւարտած են իրենց տեղակայումը Ղազախստանի մէջ եւ սկսած են կատարել իրենց առջեւ դրուած խնդիրները։ Այս մասին յայտարարած է Ղազախստանի մէջ ՀԱՊԿ խաղաղապահներու հրամանատար Անտրէյ Սերտիւքովը։
Յիշեցնենք, որ Ղազախստանի շարք մը բնակավայրերու մէջ Յունուար 2-էն սկսած են բողոքի շարժումներ, որոնք վերածուած էին զանգուածային անկարգութիւններու, յարձակումներ իրականացուած էին պետական մարմիններու վրայ: Յունուար 10-ի դրութեամբ Ղազախստանի ներքին գործերու մարմիններու մօտ բերման ենթարկուած է 7939 մարդ։
