-3.91c
Երեվան
շբթ, հնվ 24
Կինոարվեստի ամերիկյան ակադեմիան արդեն հայտնել է «Օսկար» 93-րդ մրցանակաբաշխության հավակնորդների անունները։
Այս տարի մրցանակի համար կպայքարի ամերիկահայ երկու կինոգործիչ։ Մադլեն Շարաֆյանն առաջադրվել է Ամերիկյան կինոակադեմիայի մրցանակին՝ «Բույն» ֆիլմի համար «Լավագույն կարճամետրաժ անիմացիոն ֆիլմ» անվանակարգում։ Սա նրա երկրորդ առաջադրումն է «Օսկար»-ին։ Շարաֆյանի առաջին «Օսկար»-ի առաջադրումը եղել է 2021 թվականին՝ Pixar-ի BURROW կարճամետրաժ անիմացիոն ֆիլմի համար։
Շարաֆյանը միացել է Pixar ստուդիային՝ անմիջապես քոլեջն ավարտելուց հետո՝ 2015 թվականին և կարճ ժամանակում անցել կարճամետրաժ ֆիլմերից դեպի լիամետրաժ կինո՝ ձևավորելով տպավորիչ ստեղծագործական ուղի։
Մրցանակ կարող է ստանալ նաեւ Սեւ Օհանյանը՝ «Հուդան եւ Սեւ մեսիան» ֆիլմի պրոդյուսերներից մեկը, որը «Օսկարի» է առաջադրվել վեց, այդ թվում «լավագույն ֆիլմ» անվանակարգում։
Մրցանակաբաշխությունը կկայանա մարտի 15-ին։
Մադլեն (Մեդդի) Շարաֆյանն ամերիկահայ է։ Կալիֆորնիայի Արվեստների ինստիտուտում ուսանելու ժամանակ նա հայտնի է դարձել իր «Օմլետ» հոլովակով, որը պատմում է ուտելիքի միջոցով տիրոջ տրամադրությունը բարձրացնել փորձող շան մասին։
2020 թ․ լույս է տեսել նրա «Որջ» նախագիծը՝ պատմություն նապաստակի մասին, որը փորձում է կառուցել իր երազանքների տնակը։
Մադլեն Շարաֆյանն աշխատել է նաև «Արջերի մասին ողջ ճշմարտությունը» մուլտսերիալում՝ որպես էսքիզավորող-նկարիչ և «Կոկոյի գաղտնիքը» մուլտֆիլմում։
Սեւ Օհանյանը ծնվել է Գերմանիայում, չորս տարեկանում տեղափոխվել է ԱՄՆ։ 20 տարեկանում նա գրել, ղեկավարել և ներկայացրել է «Իմ մեծ չաղ հայկական ընտանիքը» միկրոբյուջետային ֆիլմը իր կյանքի հիման վրա։ Ֆիլմը հաջողության է հասել տարբեր երկրների հայ համայնքներում։ Օհանյանը ֆիլմի հասույթը օգտագործել է՝ վճարելու Հարավային Կալիֆոռնիայի թատերական արվեստի դպրոցի ուսման վարձը և ստացել պրոդյուսերի մագիստրոսի կոչում։
