23.09c
Երեվան
հնգ, հնս 19
ՀՀ գլխաւոր դատախազութիւնն արդէն տեղեկացուցած է, որ ՀՀ Ազգային անվտանգութեան ծառայութեան հետ աշխուժ համագործակցութեամբ ձեռնարկուած միջոցառումներու շնորհիւ առերեւոյթ թշնամիի կողմն անցնելու, ինչպէս նաեւ լրտեսութեամբ դրսեւորուած՝ պետական դաւաճանութեան 2 դէպքերու առթիւ ՀՀ ԱԱԾ քննչական բաժանմունքէն ներս 2022-ի 10 օգոստոսին ՀՀ քրէական օրէնսգիրքի 418-րդ յօդուածի 1-ին մասով եւ 424-րդ յօդուածի 1-ին մասով նախաձեռնուած է երկու առանձին քրէական վարոյթ:
Քրէական վարոյթներով ձեռնակրուած վարոյթային եւ ապացուցողական գործողութիւններու շնորհիւ ձեռք բերուած են ապացոյցներ այն մասին, որ ՀՀ քաղաքացիներ Վ. Ղ.-ն եւ Թուրքիոյ Հանրապետութեան Իսթանպուլ քաղաքը բնակող Ի.Վ.-ն հաւաքագրուած են օտարերկրեայ պետութեան յատուկ ծառայութիւններու կողմէ, Վ.Ղ.-ն թշնամական գործունէութիւն իրականացնելու համար այլ տեսակի օգնութիւն ցոյց տուած է անոնց, իր նախաձեռնութեամբ կապ հաստատած է Վրաստանի մէջ Ատրպէյճանի Հանրապետութեան դեսպանութեան աշխատակիցներու հետ:
Անոնք առանձին-առանձին հաղորդակցութեան տարբեր միջոցներով դիմած են Ատրպէյճանի Հանրապետութեան նախագահին՝ ՀՀ քաղաքացիութենէն հրաժարելու եւ Ատրպէյճանի Հանրապետութեան քաղաքացիութիւն ստանալու նպատակով:
Նշուած քրէական վարոյթներով հաւաքուած ապացոյցներու հիման վրայ հսկող դատախազի կողմէ 2022-ի 18 օգոստոսին կայացած են Ի. Վ.-ի եւ Վ. Ղ.-ի նկատմամբ՝ ՀՀ քրէական օրէնսգիրքի 418-րդ յօդուածի 1-ին մասով հանրային քրէական հետապնդում յարուցելու մասին որոշումներ:
Միջնորդութիւն ներկայացուած է Երեւան քաղաքի ընդհանուր իրաւասութեան դատարան՝ անոնց նկատմամբ կալանաւորումը որպէս խափանման միջոց կիրառելու վերաբերեալ, որ բաւարարուած է:
Որոշումներն ուղարկուած են ՀՀ ոստիկանութիւն՝ նշուած անձանց յայտնաբերելու եւ վարոյթն իրականացնող մարմնին ներկայացնելու համար:
Քրէական վարոյթով նախաքննութիւնը կը շարունակուի:
