11.09c
Երեվան
չրք, մրտ 12
«Քորոնա» ժահրի տարածումը Փեքինի մէջ յաջողուած է զսպել, բայց համաճարակաբանական իրավիճակը այնտեղ կը շարունակէ լուրջ մնալ, երկուշաբթի օր կայացած ճեպազրոյցի ժամանակ յայտնած է քաղաքային վարչակազմի տեղեկատուական գրասենեակի ղեկավար Սիւյ Հեցզիանը, կը հաղորէ ԹԱՍՍ-ը:
«Անցած օրուան ընթացքին Փեքինի մէջ վարակման նոր դէպքերու թիւը որոշ չափով նուազած է,- անոր խօսքերը կը մէջբերէ «Պեյցզին Ժիպաո» թերթը:- Մենք զսպեր ենք «Քորոնա» ժահրի տարածման միտումը, իրավիճակը կը զարգանայ բարենպաստ ուղղութեամբ, բայց միեւնոյն ժամանակ պէտք է յստակ հասկնալ, որ համաճարակաբանական իրավիճակը կը շարունակէ լուրջ եւ բարդ մնալ»:
Անցած օրուան ընթացքին Չինաստանի մէջ յայտնաբերուած էր «Քորոնա» ժահրով վարակման 18 դէպք, որմէ 9-ը՝ Փեքինի մէջ: Նախորդ օրը հաղորդուած էր վարակման 26 դէպքի մասին, որմէ 22-ը գրանցուած էր մայրաքաղաքին մէջ:
Առողջապահութեան համաշխարհային կազմակերպութեան տուեալներով՝ 21 յունիսի դրութեամբ աշխարհի մէջ գրանցուած է վարակման 8 708 008 դէպք, մահացած է 461 715 հիւանդ:
Վարակվածներու մեծ մասը գրանցուած է ԱՄՆ-ի մէջ՝ 2 208 829 մարդ: Անոր կը յաջորդեն Պրազիլը (1 032 913), Ռուսաստանը (584 680), Հնդկաստանը (410 461), Միացեալ Թագաւորութիւնը (303 114), Փերուն (247 925), Սպանիան (245 938), Իտալիան (238 275), Չիլին (236 748) եւ Իրանը (202 584):
