9.09c
Երեվան
կրկ, մյս 17
Վարչապետ Նիկոլ Փաշինեանը տիկնոջ՝ Աննա Յակոբեանի հետ երէկ հանդիպում ունեցած է օրերս Հայաստան վերադարձած շիրակցի գերիներու հարազատներու հետ, յայտնած են վարչապետի աշխատակազմէն։
Կառավարութեան ղեկավարն իր խօսքին մէջ նշած է, որ այս երեք տարիներու ընթացքին ամէն հնարաւոր բան կատարուած է գերիներու վերադարձի համար: «Չնայած պարզ է, որ բոլորս էլ անհամբեր էինք օր առաջ տեսնել նրանց վերադարձը, բայց շնորհակալութիւն եմ յայտնում ձեզ համբերատարութեան համար, որովհետեւ դա շատ կարեւոր էր: Մարդկայնօրէն շատ բարձր եմ գնահատում ձեր համբերատարութիւնը»,-ըսած է վարչապետը եւ աւելցուցած, որ ամէն բան պէտք է ընել, որ մեր եղբայրները վերադառնան բնականոն կեանքի:
Գերիներու հարազատները շնորհակալական խօսքեր յղած են վարչապետին եւ կառավարութեան գործադրած ջանքերու համար:
