-3.91c
Երեվան
ուրբ, հնվ 24
Հայաստանի Հանրապետութեան արտաքին հետախուզութեան ծառայութիւնը հրապարակած է Հայաստանի Հանրապետութեան արտաքին ռիսքերու վերաբերեալ 2025 թուականի տարեկան զեկոյցը՝ հայերէն եւ անգլերէն։
Մասնաւորապէս, «Ռազմաքաղաքական ռիսքեր» բաժնին մէջ գրուած է. «Տարբեր փաստերի, տեղեկութիւնների ու երեւոյթների վերլուծութեան հիման վրայ սոյն զեկոյցի հրապարակման պահի դրութեամբ Ադրբեջանի կողմից Հայաստանի դէմ լայնամասշտաբ ռազմական յարձակման հաւանականութիւնը բարձր չենք գնահատում։ Միաժամանակ, պայմանագրահենք խաղաղութեան եւ միջպետական յարաբերութիւնների բացակայութեան պայմաններում որպէս Հայաստանի դէմ ուժի սպառնալիքի ադրբեջանական քաղաքականութեան գործիքակազմի մաս, կը շարունակի պահպանուել սահմանին տեղային լարուածութիւնների եւ էսկալացիայի առաջացման ռիսկը, որի որոշակի նուազեցման երաշխիք կարող է լինել 2024 թուականից մեկնարկած սահմանազատման եւ սահմանագծման գործընթացի սահուն շարունակութիւնը՝ համաձայն երկուստեք հաստատուած ընթացակարգի։
Այս համատեքստում Ծառայութեան խնդիրն է շարունակաբար գնահատել, թէ արդեօք Ադրբեջանի կողմից Հայաստանի անկախութեան, ինքնիշխանութեան եւ տարածքային ամբողջականութեան դէմ տարբեր վնասակար խօսոյթների հետեւողական զարգացումը եւ ֆինանսաւորումը Հայաստանի դէմ ուժի կիրառման սեփական մտադրութեան «լեգիտիմացման» դրսեւորում է։ Այդ խօսոյթներից են այսպէս կոչուած «Արեւմտեան Ադրբեջանի եւ արեւմտեան ադրբեջանցիների», «Հայաստանի ռազմականացման», «ռեւանշիզմի», «Զանգեզուրի միջանցքի» խօսոյթները»։
