20.09c
Երեվան
չրք, հլս 09
«Հրապարակ» թերթը կը գրէ. «Արամ Վարդեւանեանը «Հայաստան» դաշինքի խմբակցութիւնում միակ պատգամաւորն է, որ մտադիր է վայր դնել պատգամաւորական մանթատը։ Չնայած դաշինքում նրան փորձում են համոզել, որ յետ կանգնի որոշումից, սակայն դաշինքի մեր աղբիւրները յայտնում են, որ պատգամաւորը վճռական է տրամադրուած՝ նա ասում է, որ շնչայեղձ է լինում ՔՊ-ական խորհրդարանում։
Անցած շաբաթ ընդդիմութիւնը՝ մեծ մասով, վերադարձաւ խորհրդարան, իսկ Վարդեւանեանը չներկայացաւ ո՛չ ԱԺ նիստերին, ո՛չ քուէարկութիւններին, ո՛չ յայտարարութիւնների ժամին։
Ռոպերթ Քոչարեանի երբեմնի փաստաբան Վարդեւանեանը խմբակցութեան այն թեւից է, որը դէմ էր խորհրդարան վերադառնալուն։ Դէմ են նաեւ Վահէ Յակոբեանն ու իր որոշ կուսակիցներ, ովքեր նոյնպէս անցած շաբաթ խորհրդարան չեն գնացել, բայց, մեր տեղեկութիւններով, առայժմ չեն պատրաստւում յրաժարուել մանթատներից, իսկ ոմանք էլ, ինչպիսիք են Անդրանիկ Թեւանեանը, Արեգնազ Մանուկեանը եւ այլք, ենթարկուեցին խմբակցութեան միասնական որոշմանը եւ, չնայած մասնակիօրէն, մասնակցում են նիստերին»:
Առաւել մանրամասն՝ թերթի այսօրուան համարին մէջ:
